[AbuNawaf] جراند كانيون - الدلاخه مستمرة ج2

مجموعة ابو نواف رسائل المجموعة ملتيميديا وصلات خارجية الاعضاء إحصائيات جراند كانيون - الدلاخه مستمرة ج2 كاتب الموضوع : 7keem بريد العضو : ab111dy@yahoo.com للتعليق ولمشاهدة الموضوع بشكل افضل : http://www.abunawaf.com/post-9600.html مواضيع جديدة وحصرية على شبكة أبو نواف: تصاميم الخيال ‎(designs Fantasy)‎ ... الجزء الثاني قصيدة : بحر الغرام قصيدة : غلا ربع ساعه تصاميم الخيال Fantasy designs بهــرجات أخرى .. كالعادة .. السلام عليكم ورحمة الله وبركاته أنقذتنا هيلوكبتر ال911 إجازة الصيف .. راحة + انتعااااش أتمنى الكل يكون بصحة وعافية قبل مانروح للإيميل , أنا أتذكر إذا ما خانني التعبير إني تكلمت عن الناس أصحاب المجموعات وكيف انها تضيفك من غير رغبتك ولا استئذانك , المصيبة مو هنا .. المصيبة إن بعد كل هذي القرقره يجيك واحد مرررررررررررررررررررريضويضيفك ويبتدي يرسلك رسايل !!! أموت وأعرف هالناس هذي في راسها خردة حديد ولا وش بالضبط؟؟ واللي يزيد الطين بله , إنك لما ترسله وتستنكر عليه هالشي , يرد عليك بكل وقاحة وكأنه ما سوى شي وطبعا انا ما حذفت اسم المجموعة عشان يمكن تشوف هالايميل وتخجل من نفسها المرة الجاية ماعلين ** موضوع اليوم ** جراند كانيون (الوادي السحيق) الجزء الثاني Grand CanyonII اليوم راح نكمل رحلتنا وحكايتنا الي ابتدينهاها في الجزء الأول , والي فاته الجزء الأول يضغط هنا الحكاية – ج2 مثل ما ذكرت في الجزء الأول إن الأمور كان ماشية بشكل كويس وسلسل لين أول 4 ساعات .. بعدها بدت الأمور تأخذ منحنيات كثيرة ,,ولو كتبنا سيناريوا الرحلة وسلمناه لأحد منتجين هوليوود كان طلع فلم كوميدي يكسّر السوقلول من سوء التخطيط وقلة خبرة الفريق في هالسوالف كونها أول مرة نسوي (هايكنج) بدينا النزول على الساعة12 الظهر(عز الظهر والولاية صحراوية) وكثير من الأمريكان قالوا لنا لا تنزلوا ماراح يمديكم توصلوا لتحت وحذرونا , لكن أبو سعوّد ما يفيدك بدينا في النزول وكل واحد شايل على ظهره أقل شي 7 كيلوجرام من الأوزان غير الي شايلهم بيده وماطاح فيها الا خوينا (ماسايا) شايل معسلتين وكانوا هم أغث شي اللوحة تقول: تنحى جانبا عند مرور البغال واتبع تعليمات المرشد لاحظ في بداية المقطع راح تشوف إمرأة عجوز تسوي هالرياضة , وفي نهايته شوف حجم الناس الي تمشي وهنا .. لاحظ حجم الأشخاص وحجم التصدعات الجبلية أبيك تلاحظ في هالصورة الخطوط الحلزونية الي على الصورة ,, هذا المسار للمتسلقين ومع كل متر تقطعه نازل كانت المجموعة تتقسم لين في الأخير صاروا كل 2 يمشون مع بعض , وكل ما تنزل تحت تضعف شبكة الجوال لين انقطعت نهائي كل واحد صار ينزل على مقدرته اللياقية , وبعد 10 كيلومتر تقريبا وصلنا لأول محطة استراحة .. وبدت معها فصول الإنشقاق الداخلي << متأثر بالأخبار lol هذا مقطع فديو أول ما وصلنا الاستراحة شوفوا السطالة ...شاريين كولا بدل الموية في اللحظات هذي علت الأصوات المنادية بالتراجع والإنسحاب من المعركة ,,(انا مو منهم) لول وارتفع صوت يقول:الهلاك ياجماعة الهلاك , والله بنموت(يتكلم من جد ما يمزح) خخخخ لما اكتمل نصاب الثلث (أقولكم متأثر بالأخبار لوول) ووصلوا جميع أفراد المجموعة جلسنا في الاستراحلة وعينا من الله خير وبعدين قلنا نسوي تصويت , الي يبي يتراجع واللي يبي يواصل .. واستقر الموضوع على اننا نواصل ونكمل أول ما طلعنا من كوخ الاستراحة الا هبّت علينا ريح شديدة ومطر مفاجئ تابعنا السير وكان منظر بالحدائق والموجودة في الأسفل أكثر من رائع ,, سبحان الخالق وهنا مقطع للمر بين الحدائق الموجودة في أسفل الوادي مسايا بعده ماسك المعسل على مضض << على مضض منظر الصخور هنا أكثر من رائع أول مرة في حياتي أداعب سنجاب .. والنتيجة عضّة محترمة ومع مرور الوقت غابت الشمس وصارت الساعة 7 ونص تقريبا وحنا لساتنا ما وصلنا ومافي استراحة قريبة أبد ورجع خوينا يقول: الهلاك الهلاك وش بنسوي في هالظلمة؟؟ وكان سؤال وجيه وش بنسوي في الظلمة في نص الطريق لا قادرين نرجع فوق ولا نواصل تحت؟ من محاسن الصدف ان واحد من الشباب اشترى كشافات من باب الحيطه , اشترى 3 وكان فيهم بطاريات , فالحمدلله طلعنا من هالورطة وواصلنا طريقا في الليل وكل ما نقول وصلنا تحت , مانشوف شي , ومافي إلا أصوات الحيوانات وما أدري هي ذيابه ولا ثعالب ولا كلاب (أجلكم الله) والمشكلة اننا ما شفنا أحد يمشي عشان نسأله ولا يساعدنا , مافي الا حنا الدلوخ الي نمشي في الليل وبعد كم كيلومتر جا الفرج وشفنا نور (تكفون لحد يقول نور ولا ياسر) من بعيد , وطلع نور استراحة بس مافيها مويه , قلنا يارجال ربك سترها أهم شي مكان نقعد فيه ونريح ولو احتجنا شي فيه تلفون الطوارئ وفعلا بدل ما نخيم في المخيم , خيمنا وفرشنا الاستراحة عشان ننام , كان وقتها الساعة 8 ونص تقريبا ,, قبل ماننام رحنا نستكشف المكان الا ونلاقي النهر قدامنا (هذا يعني اننا وصلنا للقاع) قلنا كويس يعني وصلنا لين قعر الوادي لكن .. وركزا على لكن عطش + جوع + ارهاق ومن زود العطش وحاجتنا للسوائل ماكان قدامنا إلا النهر ومع وجود لوحات تحذر من الشرب من النهر لكن قلنا ياعمي سم بسم الله واشرب هههههههه هذا مقطع فديو لنهر كولورادو الي يقطع الوادي في قاعه وهنا الصور للنهر نفسه المهم في الأخير اننا نمنا واتفقنا إننا نتحرك ونرجع فوق قبل ما تطلع الشمس عشان الجو يكون بارد وقتها .. وسحبنا على المخيم الي استأجرناه وقلنا يابوي نبي نطلع فوق بس خلاص بلا مخيم بلا هم فعلا تحركنا على الساعة 4 الفجر تقريبا متراجعين لكن وفجأ واحد من العيال وقف وقال انا ما أقدر أمشي!!!! شلون يا أغبر؟ قال ما أقدر أمشي والله مو قادر أتحرك كان باين عليه إنه مو طبيعي من أول ما وصلنا وكان يعاني وقت النزول , المهم اضطرينا أنا واثنين غيره اننا ننتظر عشان نشوف وضعه , والشباب الباقين واصلوا طريقهم ماكان قدامنا إلا نتصل على الـ911 ونطلب مساعدتهم , اتصلنا عليهم وعلمناهم بحالته قالوا لنا بتجيكم ممرضة في غضون ساعتين وبعد ساعتين فعلا لفت علينا هالممرضة وأخذت تسألنا عن تصريح النزول والتخييم وبعدين قالت وينه خويكم؟ قلنا له: هذا هو عاينيه كشفت عليه وبعد فحصه قالت لنا , بنطلب اسعاف الهيلوكوبتر عشان ناخذ خويكم فوق ,, احنا انبسطنا وطالعت فيها ببرائة وقلت: يعني تاخذونا كلنا بالهيلوكبتر؟ قالت: انتو انقلعوا واصلوا برجولكم مالنا شغل فيكم أقول في خاطري: يعني منتظرين لين طلعت الشمس وفي الاخير عيّت تاخذنا معاهم بنت اللذين السؤال المهم هنا تعرفوا مين خوينا هذا؟؟؟ أيووووووه بالزبط هو أبو التلسكوب بزاتو قلت لكم لا يغركم التلسكوب الي ماسكه هههههههههههههه المهم تحركنا احنا الثلاثة وخلينا خوينا مع الممرضة تجيهم الطيارة وفي داخلنا (غـُل على قولة عادل امام) لأنه بيطلع بكل بساطة واحنا بتسوقنا الشمس سوق والمأساة ما انتهت هنا بعد مرور نص ساعة تقريبا , واحد من الي معي قالي يا حكيم تراني مو قادر أشوف وحاس بدوخه (ليش حامل الأخ؟؟) أطالع فيه وأقول خل إيمانك بالله كبير إنشالله بنوصل فوق هههههههه قال صدقني أحس الدنيا تدور وأشوف أرانب تطير (قام يوسوس الرجال) وشافتنا وحدة عجوز مع زوجها (أكيد عجوز مثلها) وقالت لنا وش فيكم ,, قلت لها خويي يتوحم على موية وأكل ههههههه قالت لا تخافوا أنا ممرضة , وعطتنا أقراص طاقة نحطها مع الموية , وقالت لخويي ريح شوي وبعدها تحرك وانا بكون وراكم عشان أتطمن عليكم (فديت الأخلاق أنا ) , الأقراص جابت مفعولها وخوينا صحصح وكملنا فوق وبعد أكثر من 8 ساعات من التسلق إلى الأعلى اللي هو كان أصعب بكثير من النزول وصلنا فوق لكن الخسائر الجسدية كانت كبيرة تيبس في العضلات تقول حطب شوي , وارهاق بشكل غير طبيعي طبعا علطوووووول اقرب مطعم ودعس في الاكل ولو كان عندهم مفاطيح ماكان قصرن وكانت هذي خاتمة للرحلة المتعبة وصارت حديث العالم لما رجعنا الجامعة هذا لما صعدنا فوق بنجااااااااااااااح ومسايا رابط ركبته ومتاكد انه لعن أبو الساعة الي جا معنا فيها هههههههههه we made it , we made it تم تجاوز وتخطي الكثير من التفاصيل من باب الاختصار <<< أما كل هذا ومختصر .. ياشيخ في نهاية الايميل أستودعكم الله وأعتذر على الإطالة تابع جديد رسائل المجموعة على تويتر twitter.com/abunawafcom للتعليق على الموضوع او مشاهدة التعليقات الاخرى : http://www.abunawaf.com/post-9600.html عدد المنتسبين لجروب أبو نواف : 631,682 للاشتراك في قروب أبو نواف ضع بريدك هنا للمشاركة قم بإرسال مشاركتك على البريد التالي : abunawafgroups@yahoo.com شاهد في اقسام الملتيميديا أيضا وسائل نصرة المصطفى ذبح العجول عالطريقه اليابانية ماهو عاقل ام التماسيح طلاب علم تقهو اقسام الملتيميديا العاب فلاش | ملفات | مقاطع بلوتوث | صوت | صور | فلاش | مقاطع فيديو | منوعات مواضيع أخرى لكاتب الموضوع 7keem جراند كانيون .. خبالة سعوديين ج1 السباحة في الهواء - تجربتي الرائعة صور و روابط : وش تسوي لو طفى عليك التكيف؟+ الي خلقك أدرى بمصلحتك صور و روابط : صور من ايران + مدينة الأحلام أم مجرد يخت؟ شاعر خسر في سيرك اخر عشر مواضيع ارسلت للمجموعة تصاميم الخيال ‎(designs Fantasy)‎ ... الجزء الثاني فيديو : إرهاب الشوارع عالم آبل وعالم التقنية : التحديثات القادمة لبريد الهوتميل + بعض المعلومات/الشائعات حول الآيفون القادم قصيدة : بحر الغرام قناة صح : ناس غير (10) (أكثر واحد يتسدح في الرياض) يوتيوب + صور : يالله ياقلبي سرينا .. والمزيد قصيدة : غلا ربع ساعه السجناء بعيون التأمينات تصاميم الخيال Fantasy designs من إعدادي: ملخص كتاب ابدأ بالأهم ولو كان صعباً شبكة ابو نواف2000-2010 قوانين الشبكة • الخلاصات RSS • الملف الصحفي

*إخلاء مسؤولية :
هذه الرسالة تمثل وجهة نظر كاتبها فقط، ولا تعبر بأي حال من الأحوال عن وجهة نظر شبكة أبو نواف، ولا تقع علينا أدنى مسؤولية جراء أي خسارة أو ضرر، بما في ذلك ودون تحديد الضرر المباشر أو غير المباشر، أو أي ضرر أو خسارة من أي نوع تنشأ عنه هذه الرسالة أو محتواها من حيث الاستخدام أو الإرسال أو الاستقبال أو التعديل على المحتوى بالحذف أو التغيير أو الإضافة أو الاعتماد على محتواها. ووجود شعار شبكة أبو نواف على المواد التي تحويها الرسائل يعني تحميلها على خوادم الشبكة فقط، ولا تعني بالضرورة أن شبكة أبو نواف تملك هذه المواد بشكل كامل.
كما أن جميع خدمات شبكة أبو نواف بدون استثناء لا تتحمل مسؤولية أي استخدام غير قانوني بواسطتها. وعلى الرغم من أن الرسائل الإلكترونية يتم فحصها مسبقا من قبل الشبكة للتأكد من سلامتها من أي فيروسات او ملفات تجسس؛ إلا أنه من مسؤولية المتلقي التأكد من خلو البريد والمرفقات منها، وشبكة أبو نواف تخلي مسؤوليتها تماماً عن أي أضرار أو خسائر قد تنتج من الاستخدام الخاطئ أو وجود الفيروسات أو ملفات التجسس المرسلة من خلال رسائل أو خدمات الشبكة الإلكترونية.

Disclaimer:
This E-mail represents the views of its author only and does not necessarily reflect the opinions of AbuNawaf Network. We do not assume responsibility for any loss, damage (including direct, indirect, punitive, special, or consequential loss or damage), which you may directly or indirectly suffer from this email or its contents or through the ways of handling this email which includes sending, receiving, replying, forwarding, deleting, saving or changing and adjusting its content in any way.
The existence of AbuNawaf logo on any material you receive means that it has been uploaded on the network servers, and does not necessarily mean that AbuNawaf network owns these materials either partially or fully. In addition, any service that is provided by and/or through AbuNawaf network, without exception, does not take any responsibility for any illegal use through them either by negligence, misconduct, misuse and/or abuse. And even though our network checks and scans all e-mails to make sure it is safe and does not contain any viruses,Trojans or Spywares , it is also the responsibility of the recipient to ensure that the e-mails and attachments therein are free of any danger, and AbuNawaf network will take no responsibility for any damages or losses that may arise as a result from the misuse or the presence of viruses or spyware sent through messages or web services.*