وبعد أربع سنوات . وشيل وحطّ . وكتابه الثاني نزل ولا باقي ؟
وقامو الناس يحتسون بينهم : كتاب مدمن الثاني مهوب كنّه تأخر علينا !
بعد أربع سنوات ، عِجاف . ماعرفنا أوّلها من تاليها ..
طاح الفاس وانشقّت القرْبه وحجّت البقره على قرونها .
وتحقق الحلم ..
مدمن شاهي يتكلّم - الجُزء الثاني
بالأسواق .. بالمكتبات .. بدور النشر .. بمشاغل الحريم ..
سَبق وقلت .. إنتظروني . أبي أتنفّس واكتب لي سطرين .. واطلّع الجُزء الثاني .. وعقبها لاتكلموني ..
ولأن الوعد . مربوط في ساس كلمة ..
حققت المُراد .. وأوفيت باللي وعدت فيه .. لِكُل متابع وقارئ ومديون ..
مجموعة مواضيع . ساخرة . فيها تسذب . وفيها كلام محشوم ..
مواضيع .. تتكلم عن المُجتمع . وتسخر بالمُجتمع . وتشخّص حال المُجتمع . وتكوي القلب بآخر حرف ..
مواضيع إجتماعية سياسية ثقافية .. تنقرا بالنهار وتنحطّ بالثلاجة قبل النوم ..
تصلح للصالح .. والطالح .. ومُثقّفي فندق ماريوت .. وسُجناء الحاير ..
يُنصح بقراءتها لأخواتنا العوانس .. ولايهونون اللي مسجّلين ببرنامج حافز ..
الكِتاب ينباع في كل صوب .. لاتشيل الهمّ . حتى لو مالقيته . يوصلك لحدّ بابك . بس حكّ جيبك قبل تحكّ ظفرك !
ومع نجاح الكِتاب الأول واللي إنباع منه أكثر من 9000 نُسخة ، هالجُزء أتمنى أن يكون أكثر إنتشار .. نجاح .. قراءه .. وإعجاب
التفاصيل أسفل والكلام الزين فوقه ..
- نبي نشوف وجه كتابك ولاتهون الخلفيّة -
- خل عنك واضح انه فخم -
* مابعد شفت شي ، هذي الواجهه ، مابعد شفت الحشو اللي جوّا
- وين ينباع كتابك ؟ -
* بدور النشر والمكاتب ، جرير والعبيكان والمكاتب الكبيرة اللي تبيع قشّ المدارس ،
- هل راح نلاقي كتابك في معرض الكِتاب ؟ -
إي نعم . موجود في معرض الكِتاب ، في دور النشر الكبيره ، من راح هِناك يسأل عنه وبيلاقيه ..
- بتكون موجود وبتوقّع على إصدارك-
ممكن أكون موجود ولاصار هالشي ، راح أكتب عنه بصفحاتي الإجتماعية ..
- بيطلع لك جُزء ثالث غير هالشين اللي فوق ؟ -
* الشين اللي فوق مايقدر يعيش من دون اخوانه . نخلي هالشي للمستقبل وعسى الله يجيب الخير ..
- عندكم إيميل ولا فاكس لابغينا شي ولا طقّتنا الهواجيس ؟ -
f-6660@hotmail.com ، رسايل من دون إضافة
*
* تنبيه كبر قريح :
الكتاب يتم بيعه أيضاً في روعة كواليس للهدايا والتغليف
أخوكم : فيصل
إضغط على الصورة للوصول إلى صفحاتي الإجتماعية :
- التويتر : 
- الفيس بوك : 
- الفيس بوك : وشكراً .
أسعار الاعلانات في الموقع
http://www.m11g.com/?page_id=828
عروض التسويق الالكتروني
http://www.m11g.com/?page_id=1624
عُملائنا الكِرام
http://www.m11g.com/?page_id=1426
.:09:.
ليست هناك تعليقات:
إرسال تعليق