 |  | |  | مواضيع جديدة وحصرية على شبكة أبو نواف: ][جبت لك بإيدي إبتسامات العمرٍ/ليه تكسرها على أطراف الشفىا؟!][
بسم الله الرحمن الرحيم 
السلام عليكم ورحمة الله وبركاته
صبحهم/مسهم بالخيرات والمسرات..
شخباركم إن شاء الله طيبين؟؟
والله ولكم وحشه.. على قولة القايل, زمان يافن.!! <~ مدري وش دخل أمها؟ 
,
وشسمه أحد يخبر لي واسطه يوظفني وزير وله 30% من أول 3 رواتب؟
يعنبو ذالحاله اللي ماتمشي فهالديرهـ الا واسطتك في جيبك..
لو تقول جوعان مشتهي مطعم قال البياع وين واسطتك؟؟
,
على طاري البياعين.. لاتسرع فالحشيش أمانه..
برٍب مسج,
.
.
.
.
باك <~ يعلمكم أنه تجيه رسايل ببلاش خخخ
على طاري البلاش.. حنا شعب نحب البلاش..
وعلى قولة صديقي الكويس ياسر:
شي(ن) بلاش, كثرّ منه عشان ماتتحسف..
وعلى قولة صديقي اللي موب صديقي:
جلدن مهوب جلدك جرّه فالشوٍك
<~ والله ذالحشيش اللي لاعبن فيك لعب خخخخ
والله يديم العروض علينا,,
,
المسج اللي جاني:
دلخ زعلان مع خطيبته,
أرسل لها مسج كاتب فيه:
تراني سوّيت حادث وتوفيت, إرتاحي!! خخخخ
طلعت ظرافة وخفة دم السعوديين..
والله يا هم مكبوتين عشان ربع ريال هههههههههه
,
مابي أطول فالمقدمه
نروح لفقرات الموضوع
<~ والله ياهالقلوب اللي تدّهر ههههه
][مدخ ـل][
.
ليـه..!!
هذا هو اللي تبيه..؟؟
اني أرحل من حياتك..
وأشعل عيوني بـ ليـه..!!
بس خلاص..!!
.
هذا هو اللي قدرته..؟
وقدرك ربي عليه..
بذمتك هذا كلام..؟
أني أرجع من جديد..
أرجع افرش كل تعب عمري وانام..
.
زين لحظه..!!
لا سألوني الناس وينك..؟
وإن دروا ضحكة عيونك..
عن عيوني سافرت..
ردت لعينك..!
.
بذمتك قول..
وش اقول..؟
قول.. قول!!
الله يخرب بيت بيتك..
توني يادوبي بديت..
بعت عمري وأشتريتك..
خطوه خطوه وأشتريت..
توني بأطراف البدايه..
مدري وشلون أنتهيت..؟
.
ياخي حسّ..!!
والله عيب اللي تبيه..
أني أرحل من حياتك..
وأشعل عيوني بـ ليـه..!!
.
][رفقاً بالرجاجيل][
.
.
(المشهد الأول)
الأب ياسر: يابنتي يانورهـ عطيني كاس مويه الله يعافيتس..
البنت نورهـ: يوهـ يا يبه توني جلست,,
الأب ياسر: المطبخ مترين موب ضارتس شي..
البنت نورهـ: خل هيا تجيب دامها فالمطبخ طيب..
الأب ياسر: هيا تعبانه رجلها توجعها..
البنت نورهـ: أووووووف..
الأب ياسر: الله يهديتس يابنتي..
البنت نورهـ: يهدي الجميع يا يبه..
.
(بعد فترهـ)
نورهـ تتضايق عشان أبوها يفضل أختها هيا عليها..
.
(التعليق)
قال تعالى: ((وقضى ربك ألا تعبدوا إلا إياه وبالوالدين إحسانا, إما يبلغن عندك الكِبَر أحدهما أو كلاهما, فلا تقل لهما أفٍ ولا تنهرهما, وقل لهما قولاً كريماً)).
.
.
(المشهد الثاني)
الزوج هاني: الله عليك وش ذالجمال..
الزوجة حصه: صدز عجبتك؟؟
الزوج هاني: إيه والله تهبلين مرررهـ..
الزوجة حصه: الله يخليك من ذوقك حبيبي..
الزوج هاني: كل هالزين عشاني, وهـ فديتها بس..
الزوجة حصه: لا ياحبيبي بطلع مع أختي لطيفه ألحين..
الزوج هاني: وين بتروحون؟؟ ماقلتي لي شي؟؟
الزوجة حصه: بنروح السوق بعدين بنمرّ بيت ساره.. بنتعشى ونجي..
الزوج هاني: يووهـ وأنا جالس عشانك ألحين وكنسلت كل مشاويري..!!
الزوجة حصه: معليش روح المطعم او دبّر نفسك..
الزوج هاني: أوكي لاتتأخرين علي.. بنتظركـ..
الزوجة حصه: بحااااول..!!
.
(بعد فترهـ)
هاني تزوج ثانيه, تهتم فيه وترعاه وتكشخ عشانه.. وأهم شي تحس فيه وتعطيه من وقتها فوق أداءها لواجباتها الزوجيه..!
.
(التعليق)
قال صلى الله عليه وسلم: (أيما امرأة ماتت وزوجها عنها راض دخلت الجنة)
رواه ابن ماجه
.
.
(المشهد الثالث)
الأخ جابر: مضاوي ياوخيتي, سوي لي ساندوتش الله يعافيتس, قبل أروح الدوام..
الأخت موضي: يووهـ مشغوله والله ألحين, جالسه أتفرج مسلسل..
الأخ جابر: ذالمسلسل عايدينه وأمس شايفته..
الأخت موضي: إيه مابعد شفته زين, بشوفه ثانيه..
الأخ جابر: طيب عشر دقايق على ما ألبس, وأنتي ماوراتس شي..
الأخت موضي: طيب قل للخدامه تسوي لك..
الأخ جابر: مايجي طعمها مثل اللي تسوينها..
الأخت موضي: لاتتميلح هههه منيب مسويه شي..
.
(بعد فترهـ)
جابر أضرٍب عن الزواج, ويحسب كل البنات مثل أخته..!!
.
(التعليق)
مافيه تعليق..!!
][لا تـ ح ـزن][
.
لا تحزن وعش واقعك,
ولا تسرح مع الخيال,
واقبل دنياك كما هي,
فسوف لا يصفو لك فيها صاحب,
ولا يكمِل لك فيها أمر,
لأن الصفو و الكمال والتمام ليس من شأنها ولا من صفاتها..!!
من ذا الذي نال في دنياه غايته؟؟
من ذا الذي عاش فيها ناعم البال؟؟
.
و تذكر أنه إذا اشتد الحبل.. إنقطع,
وإذا أظلم الليل.. إنقشع,
وإذا ضاق الأمر إتسع,
ولن يغلب عسر يسرين..!
.
دع المقادير تجري في اعنّتها..
ولاتنامنّ إلاخالي البال,
ما بين غمضة عين و انتباهتها..
يغير الله من حال إلى حال!!
.
ولاتنسى أنك في نعمٍ عميمة, وأفضالٍ جسيمة, ولكنك لا تدري,
تعيش مهموماً حزيناً تتفكر في المفقود ولاتشكر الموجود!!
فإطمئن..
وإهدأ..
وتفائل..
وأبشر..
وإجعل شعاركـ في هذه الحياة:
.
((لاتحزن إن الله معنا))
.
بقلم الشيخ/عائض القرني..
][إبداعات واحد فاضي][
.
.
.
.
.
.
.
.
.
.
][مـ خ ـرج][
.
لاجبينك شمس, وإحساسك مطر..
لاعيونك شوق, وشعورك دفا..
جبت لك بـ إيـدي ابتسامات العمر..
ليه تكسرها على أطراف الشفا..؟؟
شوف..!!
بعثرني إحتياجي بالنظر..!!
شوف..!!
وجهي أمتلا منك بـ أفــا..!!
.
ماتجي منك.. ولكن يابشر..!!
منت أول من طعنّي بالجفا..
أبرك أدفن كل جروحي بالسهر..
ولا أفكر من ورى قلبك شفا..!!
ول ياقلبك..
مايجيب الا القهر..!!
ول ياعمرك..
ماعرف طعم الوفا..!!
.
والا أنا.. مثل النهر أبقى نهر..
من تحوسه ترجع تشوفه صفى..!!
فيني والله إحساس لامنه كبر..
يشعل ضلوعك إذا قلبك طفى..!!
.
هذا هو اللي تبيه..؟!!
وهذا هو اللي قدرته..
وقدرك ربي عليه..!!
اني أرحل من حياتك..
وأشعل عيوني بـ ليـه..!!
.
وين أروح..؟؟
شلون أجيب لقلبي المجروح..؟؟
روح..!
هذا هو اللي تبيه..!!
.
الشاعر/ سالم السيار~
.
خ ـتاماً .. أتمنى أن تحوز الفقرات على رضاكم وإستحسانكم.. وتنال ذائقتكم ..
اللهم إغفر لي ولكم .. ولوالديّ ووالديكم .. وأجدادي وأجدادكم ..
اللهم إشفِ خالتي أم سلطان ورجعها لنا بالسلامه .. اللهم آمييييين..
سبحانك اللهم وبحمدك , أشهد ألا إله إلا أنت , أستغفرك وأتوب إليك
اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ
اللهم صلي وسلم على سيدنا ونبينا محمد وعلى آله وصحبه آجمعين..
من إختياري:
www.tvquran.com
http://al-kahf.com
كتبه وأملاهـ / باء نقطه شين
بدر.الشوق
وفي رواية / أبو س ـعد
للتواصل:
www.fhawah.com/vb
لمراسلتي اضغط هنا
ســـلام
.
  خذ فكره واشتر بكره
للاشتراك في قروب أبو نواف ضع بريدك هنا للمشاركة قم بإرسال مشاركتك على البريد التالي :
abunawafgroups@yahoo.com
|
|
*إخلاء مسؤولية :
هذه الرسالة تمثل وجهة نظر كاتبها فقط، ولا تعبر بأي حال من الأحوال عن وجهة نظر شبكة أبو نواف، ولا تقع علينا أدنى مسؤولية جراء أي خسارة أو ضرر، بما في ذلك ودون تحديد الضرر المباشر أو غير المباشر، أو أي ضرر أو خسارة من أي نوع تنشأ عنه هذه الرسالة أو محتواها من حيث الاستخدام أو الإرسال أو الاستقبال أو التعديل على المحتوى بالحذف أو التغيير أو الإضافة أو الاعتماد على محتواها. ووجود شعار شبكة أبو نواف على المواد التي تحويها الرسائل يعني تحميلها على خوادم الشبكة فقط، ولا تعني بالضرورة أن شبكة أبو نواف تملك هذه المواد بشكل كامل.
كما أن جميع خدمات شبكة أبو نواف بدون استثناء لا تتحمل مسؤولية أي استخدام غير قانوني بواسطتها. وعلى الرغم من أن الرسائل الإلكترونية يتم فحصها مسبقا من قبل الشبكة للتأكد من سلامتها من أي فيروسات او ملفات تجسس؛ إلا أنه من مسؤولية المتلقي التأكد من خلو البريد والمرفقات منها، وشبكة أبو نواف تخلي مسؤوليتها تماماً عن أي أضرار أو خسائر قد تنتج من الاستخدام الخاطئ أو وجود الفيروسات أو ملفات التجسس المرسلة من خلال رسائل أو خدمات الشبكة الإلكترونية.
Disclaimer:
This E-mail represents the views of its author only and does not necessarily reflect the opinions of AbuNawaf Network. We do not assume responsibility for any loss, damage (including direct, indirect, punitive, special, or consequential loss or damage), which you may directly or indirectly suffer from this email or its contents or through the ways of handling this email which includes sending, receiving, replying, forwarding, deleting, saving or changing and adjusting its content in any way.
The existence of AbuNawaf logo on any material you receive means that it has been uploaded on the network servers, and does not necessarily mean that AbuNawaf network owns these materials either partially or fully. In addition, any service that is provided by and/or through AbuNawaf network, without exception, does not take any responsibility for any illegal use through them either by negligence, misconduct, misuse and/or abuse. And even though our network checks and scans all e-mails to make sure it is safe and does not contain any viruses,Trojans or Spywares , it is also the responsibility of the recipient to ensure that the e-mails and attachments therein are free of any danger, and AbuNawaf network will take no responsibility for any damages or losses that may arise as a result from the misuse or the presence of viruses or spyware sent through messages or web services.*
ليست هناك تعليقات:
إرسال تعليق